टोटेनहमसँग आर्सनल पराजित  

काठमाडौं । इंग्लिस प्रिमियर लिग फुटबलमा टोटेनहमले आर्सनललाई पराजित गरेको छ ।

टोटेनहमले बिहीबार राति १० खेलाडीमा समेटिएको आर्सनललाई ३-० गोल अन्तरले हराएको हो ।

टोटेनहमको जितमा ह्यारी केनले दुई गोल गरे ।

खेलको २२ औं मिनेटमा केनले पेनाल्टीमार्फत गोल गर्दै टोटेनहमलाई अग्रता दिलाएका थिए ।

खेलको ३३ औं मिनेटमा रोब होल्डीङले रातो कार्ड पाएपछि आर्सनल १० खेलाडीमा समेटियो ।

३७ औं मिनेटमा केनले व्यक्तिगत दोस्रो गोल गर्दै टोलीको अग्रता दोब्बर बनाए ।

त्यसपछि खेलको ४७ औं मिनेटमा सन ह्युङ मिनले गोल गर्दै टोटेनहमलाई ३-० को जित दिलाए ।

जितसँगै टोटेनहमले ३६ खेलमा ६५ अंक जोडेको छ ।

टोटेनहम पाँचौं स्थानमा रहेको छ ।

आर्सनल ६६ अंक जोडेर चौंथो स्थानमा रहेको छ ।