काठमाडौं । कोही अगाडि बढ्नु भन्नुको अर्थ कोही पछाडि पर्नु त हो । यस सिजन इटालीको फुटबलमा मिलानका दुई क्लबको वर्चश्व चलिरहेको छ । सिरी ए को उपाधि कि त एसी मिलानले जित्ने छ, होइन् भने इन्टर मिलानले । बलियो त अहिलेसम्म एसी मिलान नै देखिएको छ । तर इन्टर पनि के कम र ? उसले भर्खरै कोपा इटालियन जितेको छ । इटालीको फुटबल भन्नु नै मिलानका क्लब विरुद्ध टुरिनका क्लबबीचको भिडन्त हो । टुरिन भन्नाले युभेन्ट्स ।
त्यसको बीचमा उपाधिका लागि टक्कर दिने भनेका रोम र नेपल्सका क्लब न हुन् । यस सिजन मिलानका क्लबको बलियो देखिनु भन्नुको अर्थ युभेन्ट्स कमजोर हुनु पनि त हो । खासमा कुरा यही हो, इन्टरले कोपा इटालिया जित्नुको अर्थ, युभेन्ट्स यो सिजन रित्तो हात रहनु हो । फाइनलमा अग्रता लिएर पनि युभेन्ट्सले इन्टरलाई रोक्न सकेन् । यसको अर्थ एक दशक भन्दा बढी समयपछि इन्टर पहिलो पल्ट पूरा एक सिजन उपाधि विहीन रहनु परेको छ ।
नत्र त युभेन्ट्सलाई प्रत्येक सिजन केही न केही जित्ने बानी थियो । लिगमा त उसको एक छत्र राज थियो, त्यो पनि पोहोरको सिजन तोडियो । कम्तीमा उसले कोपा इटालिया जितेको थियो, अब त्यो पनि गुमेको छ । त्यसैले अब सबैले भन्न थालेका छन्, सायद युभेन्ट्स अब त्यस्तो रहेन्, जस्तो पहिले रहने गरेको थियो । अनि अब युभेन्ट्सलाई इटालीमा केही जित्न पनि सजिलो हुने छैन्, किन भने इटालीतिर पनि त प्रतिस्पर्धा चर्को हुन थालेको छ ।
युभेन्ट्स इन्टरको हातबाट कोपा इटालियाको फाइनलमा के हारेको थियो, सबै एकै पल्ट हाम फालेर सन् २०१०–२०११ को सिजन पुगेका थिए, जति बेला यो क्लबले केही जितेको थिएन् । त्यति बेला सिरी ए मा युभेन्ट्स सातौं स्थानमा रहेको थियो भने कोपा इटालियाको क्वाटरफाइनलमै रोकियो । उसले त्यो सिजन युरोपा लिग खेलेको थियो र समूह चरणभन्दा माथि पुग्न सकेन् । त्यति बेला प्रशिक्षक थिए, जिगी डेलनेरी । त्यति बेलाको युभेन्ट्सलाई अहिलेसम्मकै सबैभन्दा खराव टिम मानिन्छ ।
अब यस पल्टको युभेन्ट्सलाई के भन्ने त ? जति बेला इतिहास लेखिनेछ, सायद यो टिमलाई पनि उत्तिकै खराव मानिनेछ र बारम्बार त्यही २०१०–२०११ को टिमसँग दाँज्ने प्रयास हुनेछ । खासमा त्यो सिजन लगतै युभेन्ट्सले एन्टोनिया कोन्टेलाई प्रशिक्षक नियुक्त गरेको थियो र टिमले त्यसपछि त लगातार नौ पल्ट लिग जितेको थियो । कोन्टेले युभेन्ट्स टिम पूरापूर पुर्ननिर्माण गरेका थिए । अहिलेको युभेन्ट्सको कमजोर प्रदर्शनको सिलसिला चलेको पनि अहिले तत्काल होइन् ।
प्रशिक्षकमा आन्ड्ेर पिर्लो आएयता नै टिमको प्रदर्शन तलमाथि हुन थालेको थियो, तर कम्तीमा टिमले केही न केही उपाधि जितिरहेको थियो । तर यसपल्ट त खराव नै भयो । क्लबमा अझै पनि उम्दा प्रशिक्षक छन्, मासिमिलिनो एलेग्रीका रूपमा । तर यिनै प्रशिक्षक पनि खस्कदो युभेन्ट्समा केही गर्न सकेनन् । अब त सिजन पनि अन्त्यतिर छ । तय छ, युभेन्ट्सभित्र टिम कसरी उकास्ने भनेर चर्काचर्की पर्नेछ र केही न केही न केही उपाय निस्केन छ ।
आखिरमा यो ‘ओल्ड लेडी’ त्यसै चुप लागेर बस्न सक्ने क्लब त होइन नै ।
–एजेन्सीको सहयोगमा ।
