काठमाडौं । इटालियन क्लब युभेन्ट्सका डिफेन्डर तथा कप्तान जर्जियो केलिनीले क्लब छाड्ने भएका छन् ।
इटालियन डिफेन्डर केलिनीले यस सिजनको अन्त्यसँगै युभेन्ट्स छाड्ने भएका हुन् ।
कोपा इटालिया फुटबलको फाइनल खेलपछि बोल्दै उनले युभेन्ट्स छाड्ने पुष्टि गरेका छन् ।
कोपाको फाइनलमा युभेन्ट्स इन्टर मिलानसँग अतिरिक्त समयमा ४-२ ले पराजित भएको थियो ।
३७ वर्षीय डिफेन्डरले १७ वर्षपछि युभेन्ट्स छाड्न लागेका हुन् ।
सेन्टर ब्याक केलिनीले युभेन्ट्सका लागि ९ सिरी ए र पाँच कोपा इटालिया जितेका छन् । उनी २००५ मा फियोरेन्टिनाबाट युभेन्ट्स आएका थिए ।
केलिनीले अन्तराष्ट्रिय फुटबलबाट सन्यासको घोषणा समेत गरिसकेका छन् ।
उनले आगामी जुनबाट सन्यास लिने घोषणा गरेका छन् ।
वेम्बली स्टेडियममा हुने इटाली र अर्जेन्टिनाबीचको मैत्रीपूर्ण खेलपछि उनले सन्यास लिने छन् ।
