हालाण्ड जुलाईबाट सिटीको खेलाडी  

काठमाडौं । इंग्लिस क्लब म्यानचेस्टर सिटीले नर्वेजियन युवा स्ट्राइकर एर्लिङ हालाण्ड अनुबन्ध गर्ने पक्का भएको छ ।

सिटीले मंगलबार हालाण्ड अनुबन्धका लागि जर्मन क्लब बोरुसिया डर्टमण्डसँग सैदान्तिक सहमति बनेको जनाएको छ ।

सिटीले हालाण्ड जुलाई १ बाट सिटीको खेलाडी हुने जनाएको छ ।  

पछिल्लो समय सिटी स्ट्राइकरको खोजीमा रहेको थियो ।

सर्जियो अग्युरोले छाडेपछि सिटी स्ट्राइकर विहीन रहेको थियो ।

हालाण्डको अनुबन्धले सिटीमा अग्युरोको अभावलाई पूर्ति गर्नेछ । 

सिटीले हालाण्डसँग पाँच वर्षको सम्झौता गर्ने बताईएको छ ।

२१ वर्षीय हालाण्ड २०२० मा आरबी साल्जवर्गबाट डर्टमण्ड आएका थिए ।