उपाधि होडको इन्टर पराजित

काठमाडौं । इटालियन सिरी ए फुटबलमा उपाधि होडमा रहेको इन्टर मिलान पराजित भएको छ ।

बुधबार राति भएको खेलमा इन्टरलाई बोलोग्नाले २-१ गोल अन्तरले हराएको हो ।

सुरुआती एक गोलको अग्रता जोगाउन नसक्दा इन्टर पराजित भएको हो ।

खेलको तेस्रो मिनेटमा इभान पेरिसिचले गोल गर्दै इन्टरलाई सुरुआती अग्रता दिलाएका थिए ।

तर, २८ औं मिनेटमा मार्को अर्नाउटोभिचले गोल गर्दै बोलोग्नालाई १-१ गोलको बराबरीमा ल्याए ।

त्यसपछि खेलको ८१ औं मिनेटमा निकोला सान्सवनले गोल गर्दै बोलोग्नालाई २-१ को जित दिलाए ।

यस हारसँगै इन्टरले शीर्ष स्थानमा उक्लने मौका गुमाएको छ ।

इन्टर ३४ खेलमा ७२ अंक जोडेर दोस्रो स्थानमा रहेको छ ।

एसी मिलान ७४ अंक जोडेर शीर्ष स्थानमा रहेको छ ।

बोलोग्ना ४२ अंक जोडेर १३ औं स्थानमा रहेको छ ।