नेपालको पहिलो प्रतिद्वन्दी उज्वेकिस्तान

काठमाडौं । एएफसी फुटसल एसियन कप छनोटको पहिलो खेलमा नेपालले उज्वेकिस्तानको सामना गर्ने भएको छ ।

किर्गिस्तानमा आयोजना हुने छनोटको सेन्ट्रल र साउथ जोन अन्तर्गत समूह 'बी' मा रहेको नेपालले पहिलो खेलमै बलियो प्रतिद्वन्दी पाएको हो ।

नेपाल र उज्वेकिस्तानबीचको खेल चैत २७ गते हुनेछ ।

यस्तै दोस्रो खेलमा नेपालले चैत २८ गते ताजिकिस्तानसँग प्रतिस्पर्धा गर्नेछ ।

नेपालले अन्तिम खेलमा अफगानिस्तानसँग चैत २९ गते खेल्ने तालिका रहेको छ ।

 छनोटका लागि मुख्य प्रशिक्षक गौरव बस्नेतले १४ सदस्सीय टोलीको घोषणा गरिसकेका छन् ।

राष्ट्रिय फुटसल टिम :

गोलकिपर - अनिश श्रेष्ठ, विश्वास पौडेल

फिक्सो - विजय श्रेष्ठ, सरोज तामाङ, सुरज गुरुङ

अला - आदिम हामिद, कृजल खड्का, मनि कुमार लामा, रोशन छन्त्याल, सुमित श्रेष्ठ, उर्केन शेर्पा

पिभोट - हेमन्त गुरुङ, खिमराज गुरुङ, किशोर गुरुङ