पदक विजेता स्की खेलाडी पुरस्कृत

काठमाडौं । चौंथो राष्ट्रिय स्की च्याम्पियनसिपको पदक विजेता खेलाडीहरु पुरस्कृत भएका छन् ।

नेपाल स्की संघले शुक्रबार पदक विजेताहरुलाई पुरस्कृत गरेको हो ।

युवा तथा खेलकुद मन्त्री महेश्वर गहतराजले विजेता खेलाडीहरुलाई मेडल प्रदान गरे ।

च्याम्पियनसिप गत फेब्रुअरी १५ मा मुस्ताङको वारागुङ मुक्तिक्षेत्रमा आयोजना भएको थियो ।

च्याम्पियनसिपमा पुरुषतर्फ साहस राम श्रेष्ठले स्वर्ण, दिनेश कुमार बोहराले रजत र छिरिङ तेन्जिङ शेर्पाले कास्य जितेका थिए ।

महिलातर्फ  संगिता लामाले स्वर्ण, डेबोहरा तिमल्सिनाले रजत र लक्ष्मी राईले कास्य पदक जितेका थिए ।