मिलान अन्तिम चारमा

काठमाडौं । एसी मिलान कोपा इटालिया फुटबलको सेमिफाइनलमा प्रवेश गरेको छ ।

बुधबार राति भएको खेलमा लाजियोलाई ४-० गोल अन्तरले हराउँदै मिलानले अन्तिम चारको यात्रा तय गरेको हो ।

मिलानको जितमा ओलिभर जिरुडले दुई गोल गरे ।

मिलानले सुरुआती अग्रता भने राफेल लियोको गोलबाट २४ औं मिनेटमा बनाएको थियो ।

खेलको ४१ औं मिनेटमा जिरुडले गोल गर्दै मिलानलाई २-० को अग्रता दिलाए ।

पहिलो हाफको इन्जुरी समयमा जिरुडले व्यक्तिगत दोस्रो गोल गर्दै मिलानलाई ३-० को अग्रता दिलाए ।

त्यसपछि खेलको ७९ औं मिनेटमा फ्रान्क केसीले गोल गर्दै मिलानलाई ४-० को फराकिलो जित दिलाए ।