सेबास्टियन साम्पडोरियामा अनुबन्धित

काठमाडौं । इटालियन सिरी ए क्लब साम्पडोरियाले इटालियन फरवार्ड सेबास्टियन जियोभिन्कोलाई अनुबन्ध गरेको छ ।

साम्पडोरियाले साउदी अरेबियाको अल हिलालबाट सेबास्टियनलाई अनुबन्ध गरेको हो ।

फरवार्ड सेबास्टियनले साम्पडोरियासँग यस सिजनको अन्तिमसम्मका लागि सम्झौता गरेका छन् ।

युभेन्ट्सका पूर्व फरवार्ड सेबास्टियन तीन वर्ष रियादको क्लबमा बिताएर इटाली फर्किएका हुन् ।

३५ वर्षीय फरवार्डले साम्पडोरियामा २१ नम्बरको जर्सी लगाउने छन् ।

इटालीका लागि उनले २३ खेलमा १ गोल गरेका छन् ।