पाल्मिरस फाइनलमा

काठमाडौं । ब्राजिलियन क्लब पाल्मिरस क्लब विश्वकप फुटबलको फाइनलमा प्रवेश गरेको छ ।

पहिलो सेमिफाइनलमा इजिप्टको अल अह्लीलाई २-० गोल अन्तरले हराएर पाल्मिरस उपाधि नजिक पुगेको हो ।

पाल्मिरसलाई जित दिलाउन राफेल भेइगा र डुडुले एक एक गोल गरे ।

खेलको ३९ औं मिनेटमा राफेलले गोल गर्दै पाल्मिरसलाई सुरुआती अग्रता दिलाएका थिए ।

त्यसपछि खेलको ४९ औं मिनेटमा डुडुले गोल गर्दै पाल्मिरसलाई २-० को जित दिलाए ।

यस्तै खेलको ८१ औं मिनेटमा आश्रफले रातो कार्ड खाएपछि अल अह्ली १० खेलाडीमा समेटिएको थियो ।

अब पाल्मिरसले उपाधिका लागि इंग्लिस क्लब चेल्सी र  साउदी अरेबियाको अल हिलालबीचको विजेतासँग खेल्नेछ ।