जिएचद्वारा सन्यास घोषणा

काठमाडौं । मोरक्कोका विंगर हाकिम जिएचले अन्तराष्ट्रिय फुटबलबाट सन्यास घोषणा गरेका छन् ।

चेल्सीका विंगर जिएचले २८ वर्षको उमेरमा अन्तराष्ट्रिय फुटबलबाट सन्यास घोषणा गरेका हुन् ।

एक अन्तर्वार्तामा जिएचले आफु राष्ट्रिय टिममा नफर्कने बताएका छन् ।

'म राष्ट्रिय टिममा फर्कने छैन,' उनले भनेका छन् ।

जिएच पछिल्लो पटक अफ्रीका कप अफ नेसन्स खेल्ने टिमबाट हटाइएका थिए ।

यस अघि उनी विश्वकप छनोट खेल खेल्ने टिमबाट समेत हटाइएका थिए ।

मोरक्कोका लागि जिएचले ४० खेल खेलेका छन् । जसमा १७ गोल गरेका छन् ।