सुनसरी । पहिलो संस्करणको सोनापुर गोल्डकप फुटबल प्रतियोगिताको उपाधि पूर्वाञ्चल युनाईटेड क्लब सुन्दरहरैचाले जितेको छ ।
सोमबार सम्पन्न फाइनल खेलमा आयोजक मेमोरी युवा क्लबलाई पेनाल्टी सुटआउटमा ४–३ गोल अन्तरले पराजित गर्दै पूर्वाञ्चल युनाईटेडले उपाधि जितेको हो ।
उपाधिसंगै पूर्वाञ्चलले १ लाख रुपैयाँ र शिल्ड हात पारेको छ । उपबिजेता आयोजक मेमोरी युवा क्लबले ५१ हजार रुपैयाँमा चिक्त बुझाएको छ ।
निर्धारित ९० मिनेटको खेलमा दुबै टिमले २–२ गोलको बराबरी खेलेपछि निर्णय पेनाल्टी सुटआउटमा लगिएको थियो ।
पेनाल्टीमा आयोजक क्लबको तर्फबाट उमेश कार्की, बिबेक पौडेल र दिपेश माझीले मात्र गोल गरे । बिक्रम राइको प्रहार युनाइटेडका गोल किपर रोशन कार्कीले बचाएका थिए । सुबोध शाहीको प्रहार बाहिरिएको थियो ।
पुर्वाञ्चलका मिलन राई, सन्देश श्रेष्ठ, अशिम राई र सुजन चौधरीले गोल सफल बन्यो ।
खेलको १२ औ मिनेटमा आयोजकले पारस लिम्बुको गोलमा अग्रता लिएको थियो । ३५ औ मिनेटमा पूर्वाञ्चलका सुजन चौधरीले बराबरी गोल फर्काएका थिए ।
खेलको ५५ औ मिनेटमा आयोजकका राजु लिम्बुले गोल गर्दै टिमलाई २–१ को अग्रता दिलाए । त्यसको ५ मिनेट नबित्दै पूर्वाञ्चलका अरुण लिम्बुले बराबरी गोल गरे ।
फाइनल खेलको म्यान अफ द म्याच पूर्वाञ्चलका मिलन राई घोषित भए । उनले २ हजार रुपैयाँ प्राप्त गरे ।
प्रतियोगिताको उत्कृष्ट खेलाडी आयोजक मेमोरी युवा क्लबका उमेश कार्की घोषित भए । उनले ५ हजार रुपैयाँ प्राप्त गरे ।
प्रतियोगिताको उत्कृष्ट गोलकिपर पुर्वाञ्चलका रोशन कार्की, मिडफिल्डर बिवश गुरुङ्ग, प्रशिक्षक पवन प्रधान घोषित भए ।
आयोजकका बिकु राई बेष्ट डिफेन्स, सुजित चौधरी राइजिंग प्लेयर घोषित भए । उत्कृष्ट सबैले ३ हजार ५ सय रुपैयाँ प्राप्त गरे ।
प्रतियोगिताका सर्वाधिक गोलकर्ता पूर्वाञ्चलका अभिषेक कालिकोटे र डाँगीहाट फुटबल क्लबका आदर्श लिम्बु भए । दुवैले जनही ४ हजार रुपैयाँ पाए ।
सुनसरी र मोरङ्गका ८ टिम सहभागी प्रतियोगिता पुस २६ गतेदेखि सुरु भएको थियो ।
-1752288200.webp)
