ट्युनिसियाको सानदार जित

काठमाडौं । अफ्रिका कप अफ नेसन्समा ट्युनिसियाले सानदार जित दर्ता गरेको छ । 

समूह ‘एफ’ अन्तर्गत ट्युनिसियाले माउरिटानियालाई ४–० ले पराजित गरेको हो । 

ट्युनिसियाको जितमा वाहबी खजरीले दुई तथा हाम्जा माथलाउथी र जाजिरीले एक–एक गोल गरे । 

माथलाउथीले खेलको चौथों मिनेटमा गोल गर्दै ट्युनिसियालाई अग्रता दिलाएका थिए । 

खजरीले ८ औं तथा ६४ औं मिनेटमा दुई गोल गर्दा जाजिरीले ६६ औ मिनेटमा गोल गर्दै ट्युनिसियालाई सानदार जित दिलाए । 

ट्युनिसिया यस अघि पहिलो खेलमा मालीसँग १–० पराजय भोगेको थियो । 

यसै समूहमा मालीले भने गाम्बियासँग १–१ को बराबरी खेल्यो ।