नाइजेरिया अन्तिम १६ मा

काठमाडौं । नाइजेरिया अफ्रीका कप अफ नेसन्सको नकआउट चरणमा प्रवेश गरेको छ ।

शनिबार राति भएको खेलमा सुडानलाई ३-१ गोल अन्तरले हराउँदै नाइजेरिया अन्तिम १६ मा पुगेको हो ।

नाइजेरियालाई जित दिलाउन सामुएल चुकवेइजे, ताईवो अवोन्यी र मोसेस सिमोनले एक एक गोल गरे ।

सुडानका वालिनडीन खेडरले एक गोल फर्काए ।

यस जितसँगै नाइजेरियाले २ खेलमा ६ अंक जोडेको छ ।

नाइजेरिया समूह डी को शीर्ष स्थानमा रहेको छ ।

सुडान १ अंक जोडेर पुछारमा रहेको छ ।