काठमाडौं । कोभिड १९ को संक्रमणबाट ग्रसित भएपछि लियोनल मेसी निर्धारित समयमै पेरिस फर्कन सकेनन् ।
क्रिसमसको बिदाइ मनाउने क्रममा मेसी थला परेका थिए र यसक्रममा आफ्नो क्लब पेरिस सेन्ट जर्मेन (पीएसजी) का लागि खेल्न पाइरहेका थिएनन् । के अब उनी निको भएका छन् त ? भर्खरै यस विषयमा उनले पहिलो पल्ट बोलेका छन ।
इन्स्ट्राग्राममा सन्देश छोड्दै उनले लेखेका छन्, ‘सबैलाई थाहा छ, मलाई कारोना १९ को संक्रमण भएको थियो । मलाई त्यति बेला सम्झेका सबैलाई धन्यवाद । मैले यसबाट मुक्त हुन जति समय लाग्ने सोचेको थिएँ, त्यो भन्दा बढी समय लाग्यो । तर अहिले म पूर्णत: निको भइसकेको छुं र फुटबल मैदानमा फर्कन आतुर छुं ।’
उनले थपेका छन्, ‘शतप्रतिशत ठीक हुन् अहिले म अभ्यासमा छुं । मेरोसामु चुनौती धेरै छन् र विश्वास छ, मैदानमा हाम्रो भेट हुने नै छ । सबैलाई मेरो धन्यवाद ।’
पीएसजी र अर्जेन्टिनी फुटबल संघले एकअर्कासँगको छलफलपछि मेसीले चिली र कोलम्बियाविरुद्ध हुने खेल नखेल्ने भनिसकेको पनि छ ।
–मार्काको सहयोगमा ।
