काठमाडौं । सहिद स्मारक लिग ए डिभिजन ०७८ को पाँचौं चरण टुंगिदा मनाङ मर्स्याङ्दी दोहराएर फेरि शीर्ष स्थानमा उक्लेको छ ।
मनाङको १३ अंक भएको छ । मनाङ यसअघि तेस्रो चरणको समाप्तीमा पनि शीर्ष स्थानमा थियो ।
मनाङले पोखरामा पुलिसको सामना गर्दा सहिद स्मारक लिग ए डिभिजनका खेल पहिलो पल्ट मोफसलमा भएको छ ।
पाँचौं चरण टुंगिदा चार टिम अझै अपराजित रहेका छन्, यसमा मनाङ, डिफेन्डिङ च्याम्पियन मछिन्द्र, आर्मी र संकटा रहेका छन् ।
पाँचौ चरण आइपुग्दा तीन टिमले पहिलो जित निकाले, हिमालयन शेर्पा, जावलाखेल र एपीएफले ।
अब फ्रेन्ड्स नै त्यस्तो एक मात्र टिम रहेको छ, जसको खातामा जित छैन् । यो चरणसम्म आइपुग्दा आठ टिम एकै जितमा सीमित छन् ।
अहिलेसम्म कुल ३५ खेल भएकोमा २१ मा स्पष्ट नतिजा आएको छ । बाँकी १४ खेल भने बराबरीमा टुंगेको छ ।
पाँचौं चरणमा ३–१ जितको समान तीन खेल निस्के ।
यस्तै दुई खेल गोलरहित बराबरीमा रह्यो भने एक खेल १–१ को बराबरी र एक खेल १–० को जित रह्यो ।
पाँचौं चरणमा २८ पहेँलो कार्ड देखाइएको छ । यो अहिलेसम्मकै सबैभन्दा हो । समग्रमा प्रतियोगितामा १ सय ५ पहेँलो कार्ड र एक रातो कार्ड देखाइएको छ ।
हिमालयनविरुद्धको खेलमा बीबीसीका रुडी जोनाथनलाई देखाइएको पहेँलो कार्ड सयौं रह्यो ।
-1751975074.jpeg)
