रियल समूह विजेता

काठमाडौं । स्पेनिस क्लब रियल मड्रिडले च्याम्पियन्स लिग फुटबलमा सहज जित निकालेको छ ।

मंगलबार राति समूह चरणको अन्तिम खेलमा रियलले इटालियन क्लब इन्टर मिलानलाई २-० गोल अन्तरले हराएको हो ।

रियलको जितमा टोनी क्रुस र मार्को एसेन्सियोले एक एक गोल गरे ।

घरेलु मैदानमा खेलको १७ औं मिनेटमा क्रुसले गोल गर्दै रियललाई सुरुआती अग्रता दिलाएका थिए ।

खेलको ६४ औं मिनेटमा बरेलाले रातो कार्ड पाएपछि इन्टर १० खेलाडीमा समेटियो ।

त्यसपछि खेलको ७९ औं मिनेटमा एसेन्सियोले गोल गर्दै रियललाई २-० को जित दिलाए ।

यस जितसँगै रियल समूह डी को समूह विजेता बनेको छ ।

रियलले ६ खेलमा १५ अंक जोड्यो ।

इन्टर पनि समूह उपविजेता बन्दै नकआउट चरणमा पुगेको छ ।

इन्टरले ६ खेलमा १० अंक जोड्यो ।