दु:खी छन्, लेवानडोस्की

काठमाडौं । सन् २०२१ को बेलन डे अर अवार्डको दौडमा रोबर्ट लेवानडोस्की दोस्रो स्थानमा रहे, लियोनल  मेस्सीपछि।

धेरैले मेस्सीको स्थानमा यी पोलिस खेलाडीले नै यो अवार्ड जित्नु पर्ने खालेको प्रतिक्रिया दिइरहेका छन् ।

यसबीच स्वंय यिनै बायर्न म्युनिक खेलाडीको भनाइ पहिलो पल्ट बाहिर आएको छ । यसक्रममा उनले आफ्नो निराशा पोखेका छन् र आफू दु:खी रहेको बताएका छन् ।

सन् २०२०–२०२१ को सिजनमा लेवानडोस्कीले ४८ गोल मात्र गरेनन्, अन्य नौ गोलमा सहयोगी भूमिका पनि खेले ।

यसैक्रममा बायर्नले जर्मन बुंडेसलिगा, जर्मन सुपरकप, यूईएफए सुपकरप, र फिफा विश्वकप जितेको थियो । अब यति धेरै सफलतापछि पनि अवार्ड नपाउने भएपछि दु:ख त लाग्ने नै छ ।

लेवानडोस्कीले मिडियासँगको कुराकानीमा भनेका छन्, ‘म खुसी छु, यो मैले भन्नै सक्दिन । खासमा म दु:खी छु, निराश छुं । मेस्सीसँग प्रतिस्पर्धामा उभिनु पनि आफैमा ठूलो हो । मेस्सीप्रति मेरो ठूलो सम्मान पनि छ । यो अवार्डको यति नजिक पुग्नुले पनि मेरो खेल कहाँनिर छ भनेर देखाउँछ ।’