एमबापे भन्छन्, ‘ठूलो क्लबका लागि खेल्नेछु’

काठमाडौं । कोही खेलाडीको भविष्यलाई लिएर बढी अन्यौलता छ भने त्यो केयलिन एमबापेलाई लिएर हो ।

विश्वकप विजेता यी खेलाडीले भविष्यमा के कस्तो खेल्नेछन्, त्यसमा अन्यौलता होइन् । उनी त निकै राम्रा उत्कृष्ट खेलाडी भए नै । अन्यौलता उनको अबको क्लब कुन हुन सक्छ भन्ने बारे मात्र त हो ।

यसबीच हिजै जस्तो मात्र एमबापेको नयाँ भनाइ बाहिर आएको छ र फेरि उनको गन्तब्यबारे अनेक अडकलबाजी सुरु भएका छन् । उनले भनेका छन्, ‘ठूलो क्लबका लागि खेल्नेछुं ।’

पेरिस सेन्ट जर्मेन (पीएसजी) सँग उनको अनुबन्ध सकिंदैछ । यो सिजनको अन्त्यसम्म उनी पीएजीको पकडबाट बाहिरिने छन् र त्यस अगाडि नै उनले आफ्नो नयाँ बाटोबारे खुला ढंगले कुराकानी अगाडि बढाउन सक्नेछन् ।

वर्षको सुरुमा पीएसजीले एमबापेलाई बेच्न सनसनीपूर्ण रूपमा अस्विकार गरेको थियो, भलै रियल म्याड्रिडले २२ वर्षीय फ्रान्सेली खेलाडीका लागि विश्व कीर्तिमान १८ करोड ९० लाख पाउन्ड तिर्ने इच्छा देखाएको थियो ।

अब भने पीएसजीले त्यस्तो अस्विकार गर्न सक्ने पनि छैन्, किनभने यी खेलाडी अब क्लबका हातमा पनि रहेन् ।

यस्तोमा निश्चित बनेको छ, एमबापेले पीएसजी छाड्ने छन् । प्रश्न खालि यो मात्र हो, कहाँ त ? रियल नै ?

सबैलाई थाहा छ, विश्व फुटबलमा रियल मात्रै ठूलो क्लब त होइन् ।

हुन सक्छ, एमबापे अन्यत्र पनि जान सक्छन् । ‘ठूलो क्लबका लागि खेल्ने छु', यो भनाइको धेरै फरक अर्थ लगाउन सकिन्छ ।

–मिररको सहयोगमा ।