काठमाडौं । तेक्वान्दोका ओलम्पियन खेलाडी दिपक विष्टले राष्ट्रिय खेलकुद परिषद् (राखेप)को सदस्य सचिव बन्न दर्खास्त हालेका छन् ।
शुक्रबार सिंहदरबारस्थित युवा तथा खेलकुद मन्त्रालयमा पुगेर विष्टले सदस्य सचिवका लागि दर्खास्त हालेका हुन् ।
विष्टले दक्षिण एसियाली खेलकुद (साग)मा लगातार तीन स्वर्ण पदक जितेका थिए । उनी छनोट चरण पार गर्दै ओलम्पिक खेल्ने एक्लो पुरुष खेलाडी हुन् ।
युवा तथा खेलकुद मन्त्रालयले मंसिर ४ गते सुचना जारी गर्दै राखेप सदस्य सचिवका लागि ७ दिने खुल्ला दर्खास्त आह्वान गरेको थियो ।
राखेप सदस्य सचिवमा दर्खास्त दिने शुक्रबार अन्तिम दिन रहेको छ ।
विष्ट खेलाडी जिवनपछि प्रशिक्षकको रुपमा खेलकुदमा आबद्ध छन् । प्रशिक्षकसँग उनी खेलकुद सामाग्रीको व्यापारमा समेत सक्रिय छन् ।
खेलकुदको राजनीति र व्यवस्थापनबाट टाढै बस्न चाहेको बताउँदै आएका विष्ट नेपाल तेक्वान्दो संघबाट समेत राजीनामा दिएका थिए । उनी राखेपको कर्मचारीको रुपमा प्रशिक्षकको काम गर्दै आएका छन् ।
युवा तथा खेलकुद मन्त्री महेश्वर गहतराज मन्त्री बनेर आएपछि विष्ट सदस्य सचिवको लबिङ गर्दै आएका थिए ।
उनले मन्त्री गहतराजलाई पटक पटक भेटेर सदस्य सचिव बन्न इच्छा व्यक्त गर्दै आएका थिए । सोही अनुसार शुक्रबार उनले दर्खास्त हालेका छन् ।
बिहीबार मात्र उनले विभिन्न अन्तराष्ट्रिय खेलाडीलाई फोन गरेर सदस्य सचिवमा निवेदन हाल्ने जानकारी गराएका थिए । उनले सदस्य सचिवको रुपमा आफुलाई लबिङ गर्न समेत अनुरोध गरेका थिए ।
निवेदन दर्ता गर्दै विष्टले खेलकुदको विकासका लागि आफुले उम्मेदवारी दिएको खेलपाटीसँग बताए ।
'मेरो ३० वर्षको अनुभवलाई योगदान गर्न निवेदन दिएको छु । योजना निवेदनसँगै पेश गरेको छु । त्यही अनुसार नयाँ ढंगले काम गर्छु ।' उनले भने ।
-1747585822.webp)
-1747576201.jpeg)
.jpg)
