लेस्टर शीर्ष स्थानमा

काठमाडौं । लेस्टर सिटीले युरोपा लिग फुटबलमा जित निकालेको छ ।

समूह चरण अन्तर्गत बिहीबार राति भएको खेलमा लेस्टरले लेजिया वार्सलाई ३-१ गोल अन्तरले हराएको हो ।

घरेलु मैदानमा पाट्सन डाकाले ११ औं मिनेटमा गोल गर्दै लेस्टरलाई अग्रता दिलाएका थिए ।

खेलको २१ औं मिनेटमा जेम्स म्याडिसनले गोल गर्दै टिमको अग्रता २-० को बनाए ।

२६ औं मिनेटमा फिलिपले गोल गर्दै लेजियालाई २-१ को स्थितिमा ल्याए ।

त्यसपछि खेलको ३३ औं मिनेटमा विलफ्रेड एनडीडीले गोल गर्दै लेस्टरलाई ३-१ को जित दिलाए ।

जितसँगै लेस्टर समूह 'सी' को शीर्ष स्थानमा उक्लिएको छ ।

लेस्टरले ५ खेलमा ८ अंक जोडेको छ ।

लेजिया ६ अंक जोडेर पुछारमा रहेको छ ।