काठमाडौं । २०२२ कतार फुटबल विश्वकप आउन ठिक एक वर्ष बाँकी छदा आयोजक कतारले दोहाको कर्निच फिसिङमा काउन्टडाउन घडी सार्वजनिक गरेको छ ।
काउन्टडाउन घडीको कर्भहरु फिफा विश्वकप कतार २०२२ को प्रतीकको अटूट लूप र घडीको घासको पुरानो टाइमकिपिङ उपकरणबाट प्रेरित छ, दुबैले अन्तरसम्बन्धित प्रकृतिलाई प्रतिबिम्बित गर्दछ ।
घडीको संरचना कुनै पनि कोणबाट हेर्न र यसको पछाडी शहरको क्षितिजको दृष्य प्रतिबिम्बित गर्ने खालको निर्माण गरिएको छ ।
फिफा अध्यक्ष जियानी इन्फान्टिनोले आफूले केही दशकदेखि खेलकुद आयोजना हेर्दै आएपनि कतार जस्तो कतै नदेखेको प्रतिक्रिया दिए ।
इन्फान्टिनोले विश्वकपका लागि सबथोक तयार रहेको तथा खेलमैदान राम्रो हुने बताए । उनका अनुसार समर्थकहरुले राम्रो अनुभव बटुल्ने विश्वास समेत व्यक्त गरे ।
कतार विश्वकप आगामी वर्षको नोभेम्बर २१ तारिखदेखि डिसेम्बर १८ तारिखसम्म संचालन हुनेछ । विभिन्न आठवटा मैदानमा खेलहरु हुनेछन् ।
-1751767608.webp)
