सोल्सारको अनिर्णित भविष्य

काठमाडौं । म्यानचेस्टर युनाइटेडका मुख्य प्रशिक्षक ओले गन सोल्सारको भविष्य अझै अनिर्णित बनेको छ ।

इंग्लीस प्रिमियर लिग अन्तर्गत वाटफोर्डसँग ४–१ को लज्जास्पद पराजयपछि उनको भविष्यको बारेमा क्लबमा छलफल भएको छ ।

पछिल्ला सातमध्ये पाँच खेलमा पराजय हुँदै युनाइटेड शीर्षस्थानको चेल्सीसँग १२ अंकले पछि परेको छ । जसले गर्दा सोल्सारमाथि ठूलो दवाव बढाएको छ ।

क्लबका वरिष्ठ पदाधिकारीहरुले उनिमाथिको विश्वास गुमाएका छन् ।

यता युनाइटेडका समर्थकहरुले सोल्सारलाई सार्वजनिक रुपमा जिस्क्याएका छन् ।

तर मिडफिल्डर ब्रुनो फर्नान्डेजले पराजयमा खेलाडीपनि जिम्मेवार भएको आशय व्यक्त गरे ।

यता गोलरक्षक डेभिड डि जियाले पराजयलाई लज्जास्पद बताएपनि उनले प्रशिक्षक अथवा पदाधिकारीलाई दोषि देखाउनु सजिलो भएपनि कतिपय समयमा खेलाडी पनि दोषी हुने गरेको प्रतिक्रिया दिए ।

यता भविष्यलाई लिएर सोल्सारले भने आफूले क्लबमै आवद्ध रहने प्रतिक्रिया दिएका छन् ।

चिरप्रतिद्धन्दी लिभरपुलसँग ५–० को अपमानजनक पराजय तथा म्यानचेस्टर सिटीसँग २–० को पराजयपछि पनि क्लबका पदाधिकारीहरुले सोल्सारको बर्खास्तीको मागलाई वेवास्ता गर्दै आएका थिए ।

यदि युनाइेडले सोल्सारलाई वर्खास्त गर्ने निर्णय गर्छ भने सहि तरिका अपनाएरै गर्ने छ ।