नेपालले फोर नेसन्स कप खेल्ने

काठमाडौं । नेपाली राष्ट्रिय महिला फुटबल टोलीले भारतमा आयोजना हुने फोर नेसन्स महिला फुटबल प्रतियोगितामा सहभागिता जनाउने भएको छ ।

डिसेम्बर ९ देखि २१ तारिखसम्म हुने प्रतियोगितामा नेपालले सहभागिता जनाउने अखिल नेपाल फुटबल संघ (एन्फा)ले जनाएको छ ।

एसिया कपको तयारीमा रहेको भारतले घरेलु मैदानमा प्रतियोगिता आयोजना गर्दैछ ।

भारतले प्रतियोगिताका लागि दक्षिण एसियाली राष्ट्रबाहेक अन्य देशलाई समेत बोलाएको छ ।

पछिल्लो समय नेपालले एएफसी एसिया कप छनोट खेलेको थियो ।

एसिया कपको छनोट खेलर आएपछि नेपालको महिला फुटबल टिम निष्कृय बसेको छ ।

एन्फाले समेत महिला फुटबलको तुलनामा पुरुष फुटबललाई प्राथमिकतामा राख्दै आएको छ ।

अन्तराष्ट्र्रिय प्रतियोगिता नभएका कारण समेत महिला फुटबलले अपेक्षित गति लिन सकेको छैन ।