महिला भलिबल टोलीको प्रशिक्षण सुरु

काठमाडौं । नेपाली राष्ट्रिय महिला भलिबल टोलीको प्रशिक्षण  सुरु भएको छ ।

त्रिपुरेश्वरस्थित राखेप कभर्ड हलमा महिला भलिबल टोलीको प्रशिक्षण आज आइतबारबाट सुरु भएको हो ।

नेपाल भलिबल संघले प्रशिक्षणका लागि २० खेलाडीलाई बोलाएको छ ।

एसियन सेन्ट्रल जोन पुरुष तथा महिला भलिबल प्रतियोगिताका लागि महिला टोलीले तयारी थालेको हो ।

महिला टोलीले प्रशिक्षक जगदिश भट्टको नेतृत्वमा तयारी गर्नेछन् । 

बंगलादेशको ढाकामा आयोजना हुने प्रतियोगिता आगामी डिसेम्बर २१ देखि २९ सम्म हुनेछ ।

नेपाली महिला टोलीले २०१९ को सेन्ट्रल जोनको उपाधि जितेको थियो ।

संघले पुरुष टिमको प्रशिक्षण भने केहि दिनपछि सुरु गर्ने जनाएको छ ।