शिवसताक्षीको विजयी सुरुआत

काठमाडौं । झापाको शिवसताक्षी नगरपालिकाले उपमेयर कप राष्ट्रिय महिला लिग छनौट प्रतियोगितामा विजयी सुरुआत गरेको छ ।

एन्फा कम्प्लेक्स सातदोबाटोमा शुक्रबार भएको खेलमा जानकी नगरपालिकालाई ४-० गोल अन्तरले हराउँदै शिवसताक्षीले सुखद सुरुआत गरेको हो।

शिवसताक्षीको जितमा विष्णु साम्बाहाम्फेले दुई गोल गरिन् । यस्तै विष्णु माया सावा र शर्मिला राईले एक एक गोल गरिन्।

शुक्रबार नै भएको खेलमा बर्दियाको बाँसगढी नगरपालिकाले भक्तपुर नगरपालिकालाई १२-० गोल अन्तरले हराउँदै बाँसगढीले सुखद सुरुआत गरेको थियो।

प्रतियोगितामा ३१ टोलीले प्रतिस्पर्धा गरिरहेका छन् । सहभागी टोलीलाई एन्फाले १० समूहमा विभाजन गरेको छ ।

प्रतियोगिताको विजेता र उपविजेता टोली महिलाको राष्ट्रिय लिगमा छनोट हुनेछन् ।

यस्तै प्रतियोगिताको विजेताले ५ लाख नगद पुरस्कार पाउने छन् । यस्तै उपविजेताले ३ लाख र फेयर प्ले टिमले ५० हजार पाउने छन् । 

प्रतियोगिताको सर्वोकृष्ट खेलाडीले ५० हजार र विधागततर्फ उत्कृष्ट हुनेले समान २०/२० हजार पाउने छन् ।