धनगढी । सुदुरपश्चिम प्रदेश स्तरीय पुरुष भलिबल प्रतियोगिता २०७८ धनगढीमा आयोजना हुने भएको छ ।
सुदुरपश्चिम खेलकुद परिषद्को बार्षिक कार्यक्रम अनुसार असोज २० गतेदेखि २३ गतेसम्म धनगढीमा सुदूरपश्चिम प्रदेश स्तरीय पुरुष भलिबल प्रतियोगिता आयोजना हुने भएको हो ।
सुदुरपश्चिम प्रदेशका ९ वटा जिल्लाका टिमले सहभागिता जनाउने प्रतियोगिताको विजेतालाई १ लाख सहित ट्रफी दिईने पत्रकार सम्मेलनमा सुदुरपश्चिम खेलकुद परिषदका सदस्य सचिव दिपक बहादुर सिंहले जानकारी दिए ।
उनका अनुसार प्रतियोगिताको उपविजेतालाई नगद ५० हजार सहित ट्रफी दिईनेछ । प्रतियोगिताको सेमिफाईनलसम्म पुग्ने दुई टीमलाई पच्चिस पच्चिस हजार नगद सहित ट्रफी दिईनेछ भने विभिन्न ५ वटा विधाका उत्कृष्ट खेलाडीलाई पनि पुरस्कार दिईनेछ ।
प्रतियोगिता आयोजना गर्नका लागि झण्डै ५० लाख खर्च हुने अनुमान गरिएको छ । जिल्लाहरुलाई टिम छनोटका लागि सुरुमा ५० हजार दिईएकोमा जिल्लाहरुले आफ्नो जिल्लाको टीम छनोट गरेका छन् ।
प्रतियोगितामा सहभागी सबै जिल्लाहरुको टिमको यातायातदेखि खानेबस्ने सबै खर्च सुदुरपश्चिम खेलकुद परिषदले व्यहोर्ने सदस्य सचिव सिंहले बताए ।
प्रतियोगिता आउन दुई बाँकी रहँदा तयारी पनि अन्तिम चरणमा पुगेको छ । सुदुरपश्चिममै पहिलो पटक म्याटमा प्रतियोगिता सञ्चालन हुदैछ ।
प्रतियोगिता उत्कृष्ट खेलाडीहरुलाई समेटेर सुदुरपश्चिम प्रदेशको भलिबल टीम बनाईने सिंहले बताए । उनले ती खेलाडीहरुलाई प्रशिक्षणको व्यवस्था गरी प्रदेशको प्रतिनिधित्व गर्दै राष्ट्रिय प्रतियोगिताहरुमा सहभागीता जनाईने सुदुरपश्चिम खेलकुद परिषदले जनाएको छ ।
पुरस्कार रक दिईने
धनगढीमा २०७५ साल चैत्रमा सम्पन्न मुख्यमन्त्री कप अन्तर प्रदेश खेलकुद प्रतियोगिता च्याम्पियन टोली सुदूरपश्चिम प्रदेशका खेलाडीले ढाई वर्षपछि पुरस्कार रकम पाउने भएका छन् ।
सुदूरपश्चिम खेलकुद परिषदले पुरस्कार रकम असोज २० गते प्रदेश स्तरीय भलिबल प्रतियोगिताको उद्घाटन समारोहमा सो रकम खेलाडीहरुलाई दिने भएको हो ।
ढाई वर्षसम्म सुदुरपश्चिम खेलकुद विकास समिति र प्रदेशको सामाजिक विकास मन्त्रालयको संयुक्त खातामा रहेको रकम बल्ल आएर खेलाडीलाई वितरण गरिने भएको हो । खेलाडीले जितेको पुरस्कार नपाउँदा निराशा पैदा भएको अवस्थामा खेलकुद विकास समिति र मन्त्रालयसँग लडेर रकम मागेको सुदुरपश्चिम खेलकुद परिषद्का सदस्य सचिव दिपकवहादुर सिंहले जानकारी दिए । उनले सो रकमलाई खेलाडीहरुको पदक अनुसार वितरण गरिने बताए ।
उनका अनुसार व्यक्तिगत तर्फ पहिलो हुनेलाई ३५ हजार, दोस्रो हुनेलाई २५ हजार र तेस्रो हुनेलाई १५ हजार नगद दिईनेछ । त्यस्तै समुह तर्फ प्रथम हुने टीमलाई जनही २८ हजारका दरले रकम प्राप्त गर्नेछन् । त्यस्तै खेलका प्रशिक्षकले प्रतिव्यक्ती नगद ११ हजार प्राप्त गर्नेछन् ।
प्रतियोगितामा आयोजक सुदुरपश्चिम प्रदेश ३ स्वर्ण, १ रजत र ३ कास्य सहित च्याम्पियन बनेको थियो । च्याम्पियन टोलीले १५ लाख नगदमा सरकारी कर कट्टा गरी ११ लाख २५ हजार रकमलाई वितरण गरिने भएको छ ।
-1747226778.jpeg)
