एटलेटिकोको दुई ठूला अस्त्र, सुआरेज र ग्रिजम्यान

काठमाडौं ।  यसपल्टको ट्रान्सफर विन्डोले कुनै एक टिमलाई बढी फाइदा गरेको छ भने त्यो हो, एटलेटिको मड्रिड ।

प्रशिक्षक डिएगो सिमोनीले लामो समयदेखि भन्दै आएका थिए, टिमलाई बलियो बनाउने हो भने कम्तीमा दुई जना राम्रा फरवार्ड चाहिन्छ ।

भर्खरै बार्सिलोनाबाट एन्टोनी ग्रिजम्यान एटलेटिको फर्केका छन् । अब एटलेटिकोसँग यस्तै दुई अस्त्र भएको छ, ग्रिजम्यान र लुइस सुआरेजका रूपमा ।

सिमोनी के भन्थे भने प्रत्येक सिजन कम्तीमा २० वर्ष गोल गर्ने दुई त्यस्ता खेलाडी चाहिन्छ, जसको मदतले लिग उपाधिको होडमा बलियो चुनौती पेस गर्न सकोस ।

सिमोनी प्रशिक्षक हुँदा ग्रिजम्यान क्लबका लागि सर्वाधिक गोल गर्ने खेलाडी थिए ।

उनले १ सय ३३ गोल गरिसकेका छन्, एटलेटिकोका लागि । अब त उनले सुआरेजको पनि साथ दिएका छन् ।

कुनै समय लियोनल मेसीसँग मिलेर सुआरेज र ग्रिजम्यानले आक्रमणमा बलियो साझेदारी बनाएका थिए । संयोग कस्तो भने अब यी तीनै खेलाडी बार्सिलोनामा छैनन् । सुआरेज आफै केही बुढा भए, तर उनको खेलमा कमी आएको छैन् ।

 त्यसैले त उनले गत सिजन एटलेटिकोलाई ला लिगा दिलाउन सबैभन्दा महत्त्वपूर्ण भूमिका खेले । सिजनको सुरुमा उनी घाइते थिए र खासै धेरै खेल्न सकेनन् । तर लिगको अन्त्यतिर निर्णायक सावित केही खेलमा उनका गोल निकै महत्त्वपूर्ण सावित भयो ।

अब ग्रिजमन पनि आएपछि एटलेटिको फेरि एकपल्ट लिग उपाधिको बलियो दावेदार भएको छ ।

–मार्काको सहयोगमा ।