हल्ला, तर साँचो हुन सक्छ, वेन्गरको आर्सनल फर्काइ

काठमाडौं ।   प्राय: ठ्टटा के गर्ने गरिन्छ भने प्रत्येक पल्ट लिग सुरु हुन अगाडिको अंक तालिकामा सबैभन्दा अगाडि आर्सनल हुन्छ । र, यो त्यही अवसर मात्र हो, जति बेला आर्सनल साँच्चै अगाडि हुन्छ । त्यसपछि त पछाडि मात्र हो ।

अहिले पनि इंग्लिस प्रिमियर लिगमा आर्सनलले सुरुआती तीन खेल गुमाएर निकै कमजोर सुरुआत लिएको छ ।

त्यसैले पनि व्यवस्थापक मिखेल आर्टेटा खुबै दबाबमा छन् । यसैबीच एउटा अर्को हल्ला खुबै चर्कोसँग सुनिन थालेको छ र यो हो, आर्सनलमा आर्सन वेन्गर आर्सनलमा फर्कदैछन् ।

र, यो यस्तो हल्ला हो, जुन साँचोमा परिवर्तन हुन बेर छैन् । अझ सम्भावना बढ्दो छ । ठीक यही बेला वेन्गरले पनि समय सुहाउँदो भनाइ अगाडि सारेका छन् ।

त्यस अनुसार वेन्गर ७१ वर्षका भए, तर पनि उनमा क्लब सम्हाल्ने इच्छा मरेको छैन् । बरू बढेको छ । उनी फेरि एकपल्ट फेरि प्रशिक्षक हुन चाहन्छन् र दिन प्रति दिन टिम हाँक्न चाहन्छन् ।

आर्सनल इतिहासमै वेन्गर सबैभन्दा सफल व्यवस्थापक हुन् । उनले २२ वर्ष क्लब सम्हाले, सन् २०१८ मा छाड्न अगाडि ।

यो समय आर्सनल खुबै सफल रह्यो, उसले एकपछि अर्को उपाधि पनि जित्यो । यस्तोमा खराव समयबाट गुज्रिरहेको आर्सनलका लागि वेन्गर जत्तिको उपयुक्त र अनुभवी प्रशिक्षक अरू को होला त ?

आर्टेटा ढिलो चाँडो वर्खास्तीमा पर्ने निश्चित जस्तै छ । यस्तोमा वेन्गर फर्कन हल्ला मीठो सुनिनु उत्तिकै ठीक पनि हो ।

–मिररको सहयोगमा ।