न्युजिल्याण्डको लगातार दोस्रो हार

काठमाडौं । घरेलु टिम बंगलादेशले दोस्रो टी-ट्वान्टी क्रिकेटमा न्युजिल्याण्डलाई पराजित गरेको छ ।

ढाकामा शुक्रबार बंगलादेशले न्युजिल्याण्डलाई ४ रनले पराजित गरेको हो ।

यससँगै बंगलादेशले न्युजिल्याण्डमाथि लगातार दोस्रो जित निकालेको छ । 

जितसँगै बंगलादेशले ५ खेलको सिरिजमा २-० को अग्रता समेत बनाएको छ ।

बंगलादेशले दिएको १ सय ४२ रनको लक्ष्य पछ्याएको न्युजिल्याण्डले २० ओभरमा ५ विकेट गुमाएर १ सय ३७ रन मात्र बनाउन सक्यो ।

न्युजिल्याण्डका कप्तान टम लाथमले अविजित रहदै ६५ रन जोडे । यस्तै विल योङले २२ रन बनाए ।

बंगलादेशका महेदी हसन र शकिब अल हसनले २/२ विकेट लिए ।

यस अघि टस जितेर पहिले ब्याटिङ गरेको बंगलादेशले २० ओभरमा ६ विकेट गुमाएर १ सय ४१ रन बनाएको थियो ।

बंगलादेशका मोहमद नाइमले ३९ रन जोड्दा कप्तान ममुदुल्लाह अविजित ३७ रन बनाए । लिटोन दासले ३३ रन जोडे ।

 न्युजिल्याण्डका रचिन रविन्द्रले ३ विकेट लिए ।