काठमाडौं । बार्सिलोनाले यो सिजनको सुरुआती छ महिनामै तलबमा जाने साढे १४ करोड युरो जोगाएको छ । र, यो ठूलै रकम हो ।
कोभिड १९ महामारीपछि बार्सिलोना नराम्रोसँग आर्थिक संकटमा फसेको थियो । त्यसमाथि पूर्व अध्यक्ष जोसेप मारियाले बेढंगले क्लब चलाएका थिए, त्यसैले बार्सिलोना पैसाको मामिलामा अनुशासनहीन भएको थियो ।
धन्न अहिलेका अध्यक्ष जोन लापोर्टोले केही बहादुरीपूर्ण निर्णय लिए र क्लबलाई केही राहत भएको छ ।
यी अध्यक्षले लिएका निर्णय खासमा सजिला पनि थिएनन्, तर क्लबलाई बचाउन आवश्यक थियो । यी निर्णयले टिम उल्टै कमजोर पनि भएको छ, तर यी निर्णय उत्तिकै आवश्यक पनि थिए ।
छवि पनि कमजोर भएको थियो ।
सबैभन्दा कठोर निर्णय त लियोनल मेसीलाई लिएर नै थियो ।
यसपल्टको ट्रान्सफर विन्डोबाट अन्य केही ठूला नामले पनि क्लब छाडेका छन्, जस्तो एन्टोन ग्रिजमन । उनी फेरि एटलेटिको म्याड्रिड नै पर्केका छन् ।
जति समय उनी बार्सिलोनामा बसे, क्लब उनलाई मोटो पारिश्रमिक दिंदा दिंदा आफै विजोग स्थितिमा पुगेको थियो ।
बार्सिलोना छाडेका खेलाडीको सूची बनाउँदा त्यो निकै लामो हुन्छ ।
सँगै केही नयाँ खेलाडी पनि आएका छन् । तर यी नवप्रवेशी खेलाडी मेसी र ग्रिजमन जत्तिका पक्कै छैनन् । खासमा बार्सिलोनाले अहिले जति पनि निर्णय गरिरहेको छ, ती सबै मनले गरिरहेको छैन्, दिमागले मात्र गरिरहेको छ ।
यस्तो नहुँदो हो त, बार्सिलोनाको स्थिति अझ धेरै खराव हुने थियो ।
-1751767608.webp)
