काठमाडौं । इंग्लिस क्लब म्यानचेस्टर सिटीका गोलकिपर एडर्सनले सम्झौता नवीकरण गरेका छन्।
सिटीले बुधबार ब्राजिलियन गोलकिपर एडर्सनले सम्झौता नवीकरण गरेको जनाएको छ।
एडर्सनले २०२६ सम्म क्लबमा रहने गरि सम्झौता नवीकरण गरेका हुन्।
२८ वर्षीय गोलकिपर २०१७ मा बेन्फिकाबाट सिटी आएका थिए।
सिटीका लागि एडर्सनले १ सय ९४ खेल खेलिसकेका छन्। जसमा ९५ क्लिन सिट राखेका छन् ।
सिटीबाट उनले ३ पटक प्रिमियर लिग जितेका छन्।
यस्तै एडर्सनले २ पटक प्रिमियर लिगको गोल्डेन ग्लोभ्स अवार्ड जितेका छन् ।
