काठमाडौं । नेपाल र भारतबीचको दुई मैत्रीपूर्ण खेलको टिकट मूल्य तय भएको छ ।
अखिल नेपाल फुटबल संघ (एन्फा) ले बुधबार दुई फरक दरको टिकट मूल्य तोकेको छ ।
एन्फाले सामान्य प्यारापिटतर्फ १ हजार र भीआईपीतर्फ २ हजारको टिकट मूल्य तोकेको छ ।
टिकट प्रभु पेबाट किन्न सकिनेछ ।
मैत्रीपूर्ण खेलका लागि सरकारले ५१ सय दर्शकलाई अनुमति दिएको एन्फाले जनाएको छ ।
तर, खेल हेर्ने दर्शकले कोभिडको पूर्ण खोप लगाएको वा कोरोना परिक्षणको रिपोर्ट नेगेटिभ आएको देखाउनु पर्नेछ।
नेपालले भारतसँग भोलि (बिहीबार) पहिलो मैत्रीपूर्ण खेल खेल्नेछ । त्रिपुरेश्वरस्थित दशरथ रंगशालामा हुने मैत्रीपूर्ण खेल अपरान्ह ५:३० बजे सुरु हुनेछ ।
यस्तै नेपालले भारतसँग दोस्रो खेल आइतबार खेल्नेछ ।
माल्दिभ्समा आयोजना हुने साफ च्याम्पियनसिपको तयारीका लागि नेपाल र भारतले मैत्रीपूर्ण खेल खेल्न लागेको हो।
