रोनाल्डो युभेन्ट्सको प्रशिक्षणमा अनुपस्थित

काठमाडौं । पोर्चुगिज फरवार्ड क्रिस्टियानो रोनाल्डो युभेन्ट्सको प्रशिक्षणमा अनुपस्थित भएका छन् ।

युभेन्ट्स छाड्ने चर्चा चलिरहदा रोनाल्डो शुक्रबार टिमको प्रशिक्षणमा सामेल नभएका हुन् ।

रोनाल्डो प्रशिक्षण केन्द्र पुगेपनि प्रशिक्षणमा सामेल नभई फर्किएको गोल डटकमले जनाएको छ ।

रोनाल्डो करिब ४० मिनेट प्रशिक्षण केन्द्र पुगेर बाहिरिएको बताईएको छ ।

स्टार स्ट्राइकर रोनाल्डो पछिल्लो समय इंग्लिस क्लब म्यानचेस्टर सिटीसँग जोडिएका छन् ।

रोनाल्डो टिमका सहकर्मीसँग बिदा माग्न प्रशिक्षण केन्द्र पुगेको बताईएको छ ।

रोनाल्डोका एजेन्ट जोर्गे मेन्डिसले अनुबन्ध सम्झौताका लागि सिटीसँग कुराकानी गरिरहेको बताईएको छ ।

युभेन्ट्सले समेत रोनाल्डो बेच्ने तयारी गरेको बताईएको छ । सिटीको आधिकारिक प्रस्तावको पर्खाइमा युभेन्ट्स रहेको बताईएको छ ।

पाँच पटकको बालोन डी' ओर विजेता रोनाल्डो प्रिमियर लिग फर्कन तयार रहेको समेत जनाईएको छ ।

रोनाल्डोले म्यानचेस्टर युनाईटेडबाट २००३ देखि २००९ सम्म खेलेका थिए ।

रोनाल्डो २००९ मा स्पेनिस क्लब रियल मड्रिड आएका थिए ।

रियलमा ९ सिजन बिताएर रोनाल्डो २०१८ मा युभेन्ट्स आएका थिए ।

३६ वर्षीय रोनाल्डोको युभेन्ट्ससँगको सम्झौता एक वर्ष बाँकी रहेको छ ।

रोनाल्डोले गत सिजन ३३ सिरी ए लिगमा २९ गोल गरेका थिए ।