एजेन्सी । क्रिस्टियानो रोनाल्डो पोर्चुगलको टिम बाहिर परेका छन् । मैत्रिपुर्ण म्याच अघि घोषणा गरिएको टोलीमा रोनाल्डो समावेश छैनन् । युरोकप विजेता पार्चुगलले चाँडै पोल्याण्ड र स्कटल्याण्डसंग मैत्रिपुर्ण म्याच खेल्दैछ ।
पार्चुगलले आगामी अक्टोबर ११ मा पोल्याण्ड र त्यसको तीन दिनपछि स्कटल्याण्डसंग प्रतिस्पर्धा गर्दैछ । तर पोर्चुगलले सर्वाधिक क्यापका खेलाडी रोनाल्डो सो मैत्रिपुर्ण म्याचमा गुमाउने भएको छ ।
रोनाल्डो पछिल्लो समय बलात्कारको आरोपबाट गुज्रिरहेका छन् । लास भेगासको एक होटलमा अमेरिकन महिलामाथि सन् २००९ मा बलात्कार गरेको आरोप उनीमाथि लागेको छ ।
रोनाल्डोले गत बुधबार आफुमाथि लागेको आरोपको अस्विकार गरेका थिए ।
जर्मन पत्रिकाले अमेरिकी नागरिक क्याथ्रीन मेयार्गाको दाबी प्रस्तुत गर्दै रोनाल्डोले लास भेगासको एक होटलको कोठामा बलात्कार गरेको उल्लेख गरेको थियो ।
घटना लगत्तै मेयार्गाले लास भेगासको पुलिस समक्ष बलात्कारको रिपार्ट दर्ता गरेकी थिईन् । घटना बाहिर नल्याउने शर्तमा उनले रोनाल्डोसंग करिब ४ लाख डलरको सम्झौता समेत गरेकी थिईन् ।
अहिले आएर उनका वकिलले सो सम्झौता रद्ध गर्न माग गरिरहेका छन् । मोयार्गाको आग्रहमा लास भेगासको प्रहरीले रोनाल्डोको बलात्कार सम्बन्धी पुन मुद्धा खुल्ला गरेको छ ।
-1751205100.jpg)
-1751726411.jpg)
