टोकियोमा सिड्नीलाई कीर्तिमानसहित स्वर्ण

एजेन्सी । अमेरिकी एथलेटिक्स खेलाडी सिड्नी मेक्लफलिनले टोकियो ओलम्पिकमा विश्व कीर्तिमानी समयसहित स्वर्ण पदक जितेकी छिन् ।

सिड्नीले महिलाको ४०० मिटर हर्डल्समा कीर्तिमानी समय निकाल्दै स्वर्ण जितेकी हुन् ।

ओलम्पिक स्टेडियममा सिड्नीले निर्धारित दुरी ५१.४६ सेकेन्डमा पूरा गरिन् ।

सिड्नीले आफ्नै नामको कीर्तिमान भङ्ग गरेकी हुन् । यस अघि उनको नाममा ५१.९० सेकेन्डको कीर्तिमान रहेको थियो ।

यस स्पर्धामा अमेरिकाकै डालिल्हा मुहमदले ५१.५८ सेकेन्डको समय निकाल्दै रजत जितिन् ।

डच खेलाडी बोल फेम्कीले ५२.०३ सेकेन्डको समयसहित कास्य पदक जितिन् ।