ओलम्पिक खेल्न जापान आएका युगान्डाका खेलाडीमा कोरोना

एजेन्सी । टोकियो ओलम्पिकमा सहभागिता जनाउन जापान आएका युगान्डा टिमका एक जनालाई कोरोना भाईरसको संक्रमण देखिएको छ ।

जापान पुगेपछि गरिएको परिक्षणमा एक जनामा कोरोना पोजेटिभ देखिएको हो । कोरोना पोजेटिभ हुने नाममा गोप्य राखिएको छ ।

ओलम्पिकका लागि युगान्डाका ९ सदस्सीय टिम जापान पुगेका थिए । उनीहरु कोरोनाको पूर्ण खोप लगाएर जापान आएको बताईएको छ ।

टोकियो ओलम्पिक जुलाई २३ देखि अगस्ट ८ सम्म हुनेछ ।

विभिन्न खेलको प्रतिस्पर्धा जुलाई २१ बाट नै सुरु हुनेछ । औपचारिक उद्घाटन भने जुलाई २३ मा हुनेछ ।

ओलम्पिक कोरोना महामारीको कारण एक वर्ष ढिला आयोजना हुन लागेको हो ।