काठमाडौं । पहिलो संस्करणको नेपाल सुपर लिग (एनएसएल) फुटबल अन्तर्गत अहिले धनगढी एफसी र ललितपुर सिटी एफसीबीच प्रतिस्पर्धा भईरहेको छ ।
त्रिपुरेश्वरस्थित दशरथ रंगशालामा जारी खेलको पहिलो हाफ सकिदा धनगढी र ललितपुरले गोलरहित बराबरी खेलेका छन् ।
पहिलो हाफमा धनगढीविरुद्ध ललितपुरले एकतर्फी खेल पस्कियो । तर, पेनाल्टीसहित पाएको मौकालाई ललितपुरले सदुपयोग गर्न सकेन् ।
खेलको पाँचौ मिनेटमा अन्जन विष्टले गोल गरे । विमल रानाले पेनाल्टी क्षेत्रबाट प्रहार गरेको बल धनगढीका गोलकिपर तथा कप्तान किरण चेम्जोङले रोकेपछि आएको रिबाउन्डमा अन्जनले गोल गरेका थिए । तर, रेफ्रीले उनको गोललाई अफसाइड दिएको थियो ।
खेलको २७ औं मिनेटमा डिबक्स बाहिरबाट ललितपुरका इरिक विष्टको लामो प्रहार पोस्टको नजिकबाट बाहिरिएको थियो ।
खेलको ४२ औं मिनेटमा ललितपुरका कप्तान अन्जन विष्टको प्रहार गोलकिपर किरण चेम्जोङ बिट भएको अवस्थामा धनगढीका डिफेन्डर निशा खड्काले गोललाइनबाट बल क्लियर गरे ।
खेलको ४४ औं मिनेटमा ललितपुर पेनाल्टीमा गोल गर्न चुक्यो । उसका नुर्लानको जाहिदले पेनाल्टीमा गोल गर्न सकेनन् ।
नुर्लानको प्रहार धनगढीका किपर किरण चेम्जोङले उत्कृष्ट बचाउ गरे । कप्तान किरणले आफ्नो पेनाल्टी क्षेत्रमा कप्तान अन्जन विष्टलाई अनावश्यक फउल गरेपछि ललितपुरले पेनाल्टी पाएको थियो ।
आज धनगढी दोस्रो जित निकाल्ने योजनामा रहेको छ ।
पहिलो खेलमा धनगढी विराटनगर सिटीसँग ३-० ले पराजित भएको थियो । तर, दोस्रो खेलमा धनगढीले काठमाडौं रेजर्सलाई ३-० गोल अन्तरले पराजित गरेको थियो ।
धनगढी २ खेलमा ३ अंक जोडेर तेस्रो स्थानमा रहेको छ ।
ललितपुर भने पहिलो जित निकाल्ने योजनामा रहेको छ ।
ललितपुर २ खेलमा १ अंक जोडेर पुछारमा रहेको छ ।
ललितपुर पहिलो खेलमा काठमाडौं रेजर्ससँग १-० ले पराजित भएको थियो ।
दोस्रो खेलमा ललितपुरले एफसी चितवनसँग १-१ गोलको बराबरी खेलेको थियो ।
-1752288200.webp)
