काठमाडौं । पाँचथरका दिवस शंकर र एशिया जवेगुको जोडी प्रदेश १ स्तरिय बेलबारी मेयर कप ब्याडमिन्टन प्रतियोगितामा च्याम्पियन बनेका छन् ।
शंकर र जवेगुको जोडीले बुढासुब्बा ब्याडमिन्टन एकेडेमीका सुजन श्रेष्ठ र नविन सिलवालको जोडीलाई २५-२३, २१-१४ को सोझो सेटमा पराजित गर्दै उपाधि चुमेका हुन् । उक्त जोडीले नगद ३१ हजार सहित ट्रफी, मेडल र प्रमाण पत्र प्राप्त गरे ।
उपबिजेता सुजन र नविनले २१ हजार, ट्रफी मेडल र प्रमाण पत्र प्राप्त गरे । यस्तै प्रतियोगितामा तेश्रो स्थान प्राप्त गर्ने ईटहरी ब्याडमिन्टन क्लबका भोज बहादुर गुरुङ्ग र बेलबारीका लाक्पा शेर्पाको जोडी तथा धरानका प्रकाश लिम्बु र सत्यम सुब्बाको जोडीले नगद ११ हजार, मेडल र प्रमाण पत्र प्राप्त गरे ।
डाँगीहाट ब्याडमिन्टन क्लबको आयोजनामा भएको प्रतियोगिताको पुरुष युगल भेट्रान्स ४५ माथिको उपाधी पूर्व राष्ट्रिय प्रशिक्षक एवं अन्तराष्ट्रिय खेलाडी उत्तम सिंखडा र श्याम लामाको जोडीले हात पार्यो ।
ईटहरी ब्याडमिन्टन क्लबका उक्त जोडीले फाईनलमा धरानका गहेन्द्र लिम्बु र सुरेश नियुङ्गको जोडीलाई फाईनलमा २१-१७, २१-१८ को सोझो सेटमा पराजित गर्दै नगद २१ हजार सहित ट्रफी मेडल र प्रमाण पत्र प्राप्त गरे ।
उपबिजेता टोलीले नगद १६ हजार, ट्रफी मेडल र प्रमाण पत्र प्राप्त गरे । यस्तै तेश्रो हुने धरानका थमन गुरुङ्ग र धनबहादुर लिम्बु तथा बेलबारीका नविन राई र विकास श्रेष्ठको जोडीले नगद ११ हजार, मेडल र प्रमाण पत्र प्राप्त गरे ।
बिजयी खेलाडीहरुलाई नेपाल ब्याडमिन्टन संघका उपाध्यक्ष एवं पूर्व खेलाडी चन्द्र शेखर लामा, सुनसरी ब्याडमिन्टन संघका उपाध्यक्ष मणी गुरुङ्ग, ईटहरी ब्याडमिन्टन एकेडेमीका अध्यक्ष सुरेश कार्की लगायतले पुरस्कार वितरण गरेका थिए ।
पुरुष युगल र भेट्रान्सको मात्र प्रतिस्पर्धामा प्रदेश १ का ९० खेलाडीहरुको सहभागिता रहेको थियो ।
-1750292584.webp)
-1750262192.jpeg)
