काठमाडौं । नेपाल सुपर लिग (एनएसएल)को फ्रेन्चाईज टिम ललितपुर सिटी एफसीले क्रोएसियन खेलाडी क्लबमा आबद्ध गरेको छ ।
नेपालमा पहिलो पटक आयोजना हुन लागेको फुटबल फ्रेन्चाईज प्रतियोगितामा ललितपुर सिटी एफसीले क्रोएसियन सेन्टर फरवार्ड भिलिम पोनिस्कोभिकलाई ल्याएको हो ।
उनी युरोपेली क्लब फुटबलमा आबद्ध खेलाडी हुन् ।
लेफ्ट विङ्गरको रुपमा खेल्ने भिलिम दायाँबाट समेत खेल्न सक्छन् । उनलाई सेन्टर फरवार्डको रुपमा खेलाउने गरि क्लबमा आबद्ध गरिएको ललितपुर सिटीले जनाएको छ ।
फरवार्ड लाईनलाई अझ बलियो बनाउन ललितपुरले युरोपेली खेलाडीलाई एनएसएलका लागि ल्याएको हो ।
उनले पछिल्लो समय बोस्निया हर्जगोभिनाको शीर्ष डिभिजनको लिग खेलेका थिए । उनी एजेण्ट नवीन चित्राकारमार्फत ललितपुर सिटी एफसीसंग जोडिएका हुन् ।
भाटभनेटी सुपर मार्केट स्वामित्वको ललितपुर सिटीले अन्जन विष्टलाई मार्की खेलाडीको रुपमा अनुबन्धन गरिसकेको छ ।
ललितपुरले अक्सनमार्फत मिक्छेन तामाङ, नविन लामा, विनोद गुरुङ, प्रवेश दनुवार, कमल श्रेष्ठ, एरिक विष्ट, विमल राना, रोहित कार्की, सरोज योन्जन, रन्जन विष्ट, निरज बस्नेत, पल्साङ लामा, गौरव बुढाथोकी र अर्पन कार्कीलाई टिममा आबद्ध गरिसकेको छ ।
टिमलाई मुख्य प्रशिक्षकको रुपमा प्रदीप हुमागाईले नेतृत्व गर्नेछन् ।
बैशाख ११ गतेबाट सुरु हुने नेपाल सुपर लिग २५ गतेसम्म चल्नेछ । नेपाल स्पोर्टस म्यानेजमेन्ट एण्ड इभेन्ट कम्पनीले आयोजना गर्ने प्रतियोगितामा ७ टिम सहभागी छन् ।
-1753270648.jpeg)
