हालाण्डका एजेन्टले भेटे बार्सिलोना र रियलका पदाधिकारी

एजेन्सी । जर्मन क्लब बोरुसिया डर्टमण्डका युवा स्ट्राइकर अर्लिङ हालाण्डका बुबा र एजेन्टले दुई स्पेनिस क्लब रियल मड्रिड र बार्सिलोनाका पदाधिकारीसँग भेट गरेका छन् ।

हालाण्डको सम्भावित सरुवाका लागि उनका बुबा अल्फ–इग्ने हालाण्ड र एजेन्ट मिनो राइओलाले स्पेनिस क्लबका पदाधिकारीसँग भेट गरेका हुन् ।

स्पेनको भ्रमण गर्दै उनीहरुले रियलका अध्यक्ष फ्लोरेनटिनो पेरेज र बार्सिलोनाका जोन लापोर्टासँग भेटेको बताईएको छ ।

२० वर्षीय हालाण्डलाई अनुबन्धका लागि पछिलो समय युरोपका ठुला क्लबले चासो दिएका छन् । त्यसैले हालाण्डको बुबा र एजेन्टको स्पेन भ्रमणलाई अर्थपूर्ण रुपमा लिईएको छ ।

हालाण्डले डर्टमण्डका लागि उत्कृष्ट खेलिरहेका छन् ।

यस सिजन हालाण्डले क्लब र राष्ट्रका लगी ३९ गोल गरिसकेका छन् ।