ब्राइटनको सहज जित
२०२१ मार्च २१, आइतबारखेलपाटी संवाददाता
एजेन्सी । इंग्लिस प्रिमियर लिग फुटबलमा ब्राइटनले सहज जित हात पारेको छ ।
शनिबार राति भएको खेलमा ब्राइटनले न्युकासल युनाईटेडलाई ३-० गोल अन्तरले पराजित गरेको हो ।
ब्राइटनलाई जित दिलाउन लिन्ड्रो ट्रोसर्ड, ड्यानी वेलब्याक र निल माउपेले एक एक गोल गरे ।
घरेलु मैदानमा पहिलो हाफको इन्जुरी समयमा लिन्ड्रोले गोल गर्दै ब्राइटनलाई अग्रता दिलाएका थिए ।
खेलको ५१ औं मिनेटमा वेलब्याकले गोल गर्दै ब्राइटनलाई २-० को अग्रता दिलाए ।
त्यसपछि खेलको ६८ औं मिनेटमा माउपेले गोल गर्दै ब्राइटनलाई ३-० को जित दिलाए ।
जितसँगै ब्राइटनले २९ खेलमा ३२ अंक जोडेको छ ।
ब्राइटन लिगको १६ औं स्थानमा रहेको छ ।
न्युकासल २८ अंक जोडेर १७ औं स्थानमा रहेको छ ।
