लिटल फ्लावर फाइनलमा

धनगढी । लिटल फ्लावर स्कुल धनगढीमा जारी चण्डिका ग्रुप लिटल फ्लावर प्रिमियर लिग (एलपीएल) क्रिकेटको फाइनलमा प्रवेश गरेको छ ।

शुक्भरबार भएको दोस्रो सेमिफाइनलमा बाल बाटिका विद्या मन्दिरलाई ३ विकेटले पराजित गर्दै लिटल फ्लावर उपाधि नजिक पुगेको हो ।

अब उपाधिका लागि लिटलले हिमालयन ह्वाइट हाउस स्कुलसँग खेल्ने छ ।

पहिलो सेमिफाइनलमा शारदा सरस्वतीलाई ८९ रनले पराजित गर्दै ह्वाइट हाउस फाइनल पुगिसकेको छ ।

संघीय प्रहरी इकाई कार्यालयको खेल मैदानमा पहिले ब्याटिङ गरेको बाल बाटिकाले १६ ओभर १ बलमा अलआउट हुँदै ९० रन बनाएको थियो ।

उसका बिराट सिंह भण्डारीले २९ रन बनाए । कमल ओलीले २२ रन बनाए । लिटलका पुस्कर राज बढुले ४ विकेट लिए ।

बाल बाटिकाले दिएको ९० रनको लक्ष्य लिटल फ्लावरले १८ ओभर ३ बलमा ७ विकेट गुमाएर पूरा गर्यो ।

लिटलका राजकुमार साहले अविजित २४ रन बनाए ।

बाल बाटिकाका कमल ओलीले ५ विकेट लिए ।

प्रतियोगिताको विजेताले १ लाख २० हजार पाउने छन् ।

त्यस्तै उपविजेताले ६० हजार प्राप्त गर्दा सर्वोत्कृष्ट खेलाडीले १० हजार पाउने छन् ।