एजेन्सी । इंग्लिस प्रिमियर लिग फुटबलमा साविक विजेता लिभरपुल पराजित भएको छ ।
आइतबार भएको खेलमा लिभरपुल फुलहमसँग १-० गोल अन्तरले पराजित भएको हो ।
लिभरपुल घरेलु मैदानमै फुलहमसँग पराजित भएको हो ।
फुलहमलाई जित दिलाउन मारियो लेमिनाले निर्णायक गोल गरे ।
लेमिनाले खेलको ४५ औं मिनेटमा गोल गरेका थिए ।
यससँगै लिभरपुलले घरेलु मैदानमा लगातार छैटौं हार व्यहोरेको छ ।
यस्तै फुलहमले सन् २०१२ पछि पहिलो पटक लिभरपुललाई उसैको मैदानमा हराएको हो ।
जितपछि फुलहमले २६ अंक जोडेर १८ औं स्थानमा रहेको छ ।
लिभरपुल ४३ अंक जोडेर सातौं स्थानमा रहेको छ ।
