आठौं राष्ट्रिय कराते शुक्रबारबाट

काठमाडौं । आठौं संस्करणको राष्ट्रिय कराते प्रतियोगिता शुक्रबारबाट हुने भएको छ ।

आयोजक नेपाल गोजुरियो कराते संघले मंगलबार पत्रकार सम्मेलन गर्दै दुई दिने प्रतियोगिता शुक्रबार र शनिबार हुने जनाएको हो ।

प्रतियोगितामा सातै प्रदेश, क्लब तथा बिद्यालयबाट गरि ३ सय खेलाडीहरुको सहभागिता हुने आयोजकले जनाएको छ ।

प्रतियोगिताको दौरान अन्तर्राष्ट्रिय तथा राष्ट्रिय प्रतियोगितामा पदक हासिल गर्ने खेलाडीलाई पनि सम्मान गरिने बताईएको छ ।

यसै प्रतियोगितालाई आधार मानेर संघले इन्डोनेसियाको जाकार्तमा हुने छैटौं एसियन गोजुरियो कराते प्रतियोगिताका लागि खेलाडी छनोट गर्ने समेत जनाएको छ ।