कैलालीमा खुल्ला पुरुष डबल ब्याडमिन्टन हुने

काठमाडौं । कैलालीमा खुल्ला पुरुष डबल ब्याडमिन्टन प्रतियोगिता हुने भएको छ ।

गौरिगंगा नगरपालिका अन्तर्गत वडा नम्बर ९ को ब्याडमिन्टन हलमा खुल्ला पुरुष डबल ब्याडमिन्टन हुने भएको हो ।

प्रतियोगिता पौष १७ र १८ गते सञ्चालन हुनेछ ।

मसुरिया ब्याडमिन्टन क्लबको आयोजनामा हुने प्रतियोगिता स्वर्गीय श्री गगन सिंह कलेलको चौथो वार्षिक स्मृतिमा सञ्चालन गर्न लागिएको हो ।

मसुरिया ब्याडमिन्टन क्लबका अध्यक्ष चक्रबहादुर करेलका अनुसार प्रतियोगिता २४ भन्दा बढी टिमले सहभागीता जनाउनेछन् ।

प्रतियोगिताको विजेताले २० हजार, उपविजेताले १० हजार र सेमिफाईनल खेल्ने टिमले समान ५ हजार रुपैयाँ प्राप्त गर्ने आयोजकले जनाएको छ ।