काठमाडौं । एशियन गेम्समा उत्कृष्ट प्रर्दशन गर्ने नेपालको राष्ट्रिय पुरुष भलिबल टिमलाई नगद सहित सम्मान गरिने भएको छ । ईन्डोनेशियामा भएको एशियाडमा नेपालको भलिवल टिमले उत्कृष्ट प्रर्दशन गर्दै १५ औ वरियता हासिल गर्न सफल भएको थियो ।
वरियताको भिडन्तमा नेपालले मंगोलियालाई पराजित गर्दै एशियाडमा पहिलो जित दर्ता गरेको थियो । अर्को खेलमा नेपाल श्रीलंकासंग पराजित भएको थियो । अन्तिममा कीर्गिस्तानले नखेल्दा नेपाललाई १५ औ वरियता प्राप्त भएको थियो ।
नेपाल भलिवल संघले काठमाडौंमा आज एक कार्यक्रमको आयोजना गरेर एशियाडमा उत्कृष्ट प्रर्दशन गर्ने खेलाडी तथा प्रशिक्षकलाई सम्मान गर्न लागेको हो । संघले प्रत्येक खेलाडीलाई नगद १० हजार सहित सम्मान गर्न लागेको हो । नेपाल एशियाडको समुह चरणका तीनै खेलमा पराजित भएको थियो ।
नेपालले यसपटकको एशियाडमा वरियता हासिल गर्ने लक्ष्य लिएको थियो । राष्ट्रिय खेलको मान्यता पाएको भलिवलले एशियाडमा आफुले लिएको लक्ष्य हासिल गर्न सफल भएको छ ।
-1750248047.jpeg)
