ढुकुलाई तेस्रो साेल्टी ११ फुटसलको उपाधि

काठमाडौं । ढुकु फुटसलले तेस्रो संस्करणको साेल्टी ११ फुटसल प्रतियोगिताको उपाधि जितेको छ ।

शनिबार भएको उपाधि भिडन्तमा ब्रदर्श युनाईटेडलाई पराजित गर्दै ढुकुले उपाधि उचालेको हो ।

काठमाडौंको सामाखुसीस्थित मनाङ्ग मस्र्याङ्दी फुटसल सेन्टरमा भएको फाईनलमा ढुकुले ब्रदर्श युनाईटेडमाथि ३–१ को जित निकाल्यो ।

उपाधि सहित ढुकुले ६६ हजार ६ सय ६६ रुपैयाँ प्राप्त गर्यो । उपविजेता ब्रदर्श युनाईटेडले ३३ हजार ३ सय ३३ मा चित्त बुझायो ।

ढुकुको जितमा अमित आमा, उर्गेन शेर्पा र अभय रानाले समान एक एक गोल गरे ।

ब्रदर्श युनाईटेडका मञ्जिल श्रेष्ठले एक गोल फर्काएका थिए ।

प्रतियोगिताको उत्कृष्ट खेलाडी ब्रोदर्श टिमका मञ्जिल महर्जन भए ।

यस्तै, उत्कृष्ट किपर ढुकु फुटसलका अनिष श्रेष्ठ र सर्वाधिक गोलकर्ता ढुकु टिमकै अभय राना भए । विधागततर्फका विजेताले १ हजार १ सय ११ रुपैयाँ प्राप्त गरे ।

नकआउटका आधारमा सञ्चालन गरिएको प्रतियोगितालाई सोल्टी ११ ले आयोजना गरेको हो ।

गुरुङ्गहरुको तमु लोसारको उपलक्ष्यमा हरेक सञ्चालन गरिने प्रतियोगिता यस वर्ष समेत आयोजना गरिएको हो ।