फाइनल प्रवेशका लागि प्रिन्स र रत्नजित भिड्ने

सिन्धुपाल्चोक । युवा खेलाडी प्रिन्स दाहाल र नेपाल नम्बर एक रत्नजित तामाङ तेस्रो चौतारा साँगाचोकगढी मेयरकप तथा प्रथम तोप–२१ ब्याडमिन्टन प्रतियोगिता’ को राष्ट्रिय पुरुष एकलतर्फको फाइनल प्रवेशका लागि भिड्ने भएका छन् ।

बिहीबार सिन्धुपाल्चोकको सदरमुकाम चौतारामा भएको राष्ट्रिय पुरुष एकलतर्फकाे सेमिफाइलनमा प्रिन्स र रत्नजितले जित निकाले । 

चौतारा कभर्डहलमा भएको पहिलो क्वाटरफाइनलमा आर्मी क्लबका रत्नजितले पुलिस क्लबका जिवन आचार्यलाई २१–१०, २१–१३ को सोझो सेटमा पराजित गरे ।

यस्तै, बिहानै भएको दोस्रो क्वाटरफाइनलमा सिल्क ग्रुपका प्रिन्स दाहालले आर्मी क्लबका प्रविन लिंग्थेपलाई सामान २१–१७ को सोझो सेटमा पराजित गर्दै रत्नजितसँग भेट पक्का गरेका हुन् ।

यस्तै, दोस्रो सेमिफाइनलमा आर्मीकै नविन श्रेष्ठ र रुकेश महर्जनबिच प्रतिस्पर्धा हुनेछ ।

नविनले आर्मी क्लबकै प्रफल्ल महर्जनलाई २१–१२, १६–२१ र २१–१८ ले पराजित गरे । यस्तै रुकेशले एपीएफ क्लबका साजन कृष्ण ताम्राकारलाई २१–१३, २१–१६ को सोझो सेटमा पराजित गरे ।

सेमिफाइनल खेल आज अपराह्न ४ बजे हुनेछ ।

चौतारा साँगाचोकगढी नगरपालिकाको मुख्य प्रायोजनमा चलिरहेको प्रतियोगितामा जिल्ला स्तरका लागि पुरुष एकल र युगल तथा राष्ट्रिय स्तरका लागि पुरुष एकल गरि तीन विधामा प्रतिस्पर्धा गराईएको छ ।

पहिलो चरणमाको जिल्ला पुरुष एकलको उपाधि त्रिपुरा सुन्दरी गाउँपालिकाका अभिषेक गुरुङले पोल्टामा पारेका छन् । यस्तै युगल जोडी तर्फ प्रकाश श्रेष्ठ र रमेश श्रेष्ठ तथा अभिषेक गुरुङ र युवराज अधिकारीको जोडी २६ गते उपाधिका लागि भिड्नेछन् ।

राष्ट्रिय स्तरको पुरुष एकल तर्फको बिजेताले नगद १ लाख ११ हजार १ सय ११ प्राप्त गर्ने छन् भने उपबिजेताले नगद ५५ हजार ५ सय ५५ प्राप्त गर्ने छन् । यस्तै सेमिफाईनलिस्ट (तृतीय स्थान) दुई जनाले जनही १० हजार प्राप्त गर्ने छन् ।

युगलतर्फ बिजेता जोडीले ४० हजार, उपबिजेता जोडीले ३० हजार र सेमिफाईनल खेल्ने दुई जोडीले ५–५ हजार प्राप्त गर्नेछन् ।

यस्तै, सिंगल जिल्ला विजेताले ३० हजार प्राप्त गर्दा उपविजेताले २० हजार प्राप्त गर्नेछ ।

यस्तै, सेमिफाइनल पुग्न सफल दुई खेलाडीले जनही ५ हजार प्राप्त गर्नेछन् ।