वैवाहिक बन्धनमा कप्तान रेणुका

काठमाडौं । नेपाली राष्ट्रिय महिला फुटबल टिमकी कप्तान रेणुका नगरकोटी वैवाहिक बन्धनमा बाँधिएकी छिन् ।

एपीएफ क्लबकी मुख्य खेलाडी समेत रहेकी रेणुका मंगलबार वैवाहिक बन्धनमा बाँधिएकी हुन् ।

रौतहटकी रेणुकाले जनकपुरका अभिषेक लामासँग विवाह गरेकी हुन् ।

लामो समयको प्रेम सम्बन्धलाई रेणुका र अभिषेकले विवाहमा परिणत गरेका हुन् । उनीहरु ७ वर्षबाट प्रेम सम्बन्धमा रहेका थिए ।

मिडफिल्डर रेणुका गत वर्ष नेपालले १२ औं सागमा रजत जित्दा टिमका महत्वपूर्ण खेलाडी थिईन ।

यस्तै उनी विराटनगरमा भएको साफ च्याम्पियनसिप खेल्ने टिममा समेत रहेकी थिइन् ।

रेणुकाको विवाहमा महिला टिम सदस्यहरु र आफन्त उपस्थित भएका थिए ।